Deputeti i Vetëvendosjes e quan Isa Mustafën komunist të papërmirësueshëm: Amerika nuk duhet në mënyrë sovjetike

Deputeti i Lëvizjes Vetëvendosje, Artan Abrashi thotë se i pari i LDK-së, Isa Mustafa është komunist i papërmirësueshëm.Ky koment i tij erdhi pas reagimit të Mustafës ndaj raportit të Parlamentit Evropian.Abrashi thotë se po të lexohet mirë reagimi i Mustafës vërhet një narrativë e njohur, përcjellë Gazeta Blic.

Ai thotë se Mustafa akuzon palët që hartuan raportin për përpjekje për ta devijuar orientimin strategjik të Kosovës.

Ky është postimi i tij i plotë:Po ta lexosh mirë reagimin e fundit të Isa Mustafës për Raportin e Këshillit të Evropës, lehtësisht vëren një lloj narrative të njohur.
Thotë se Raporti është i motivuar nga blloku kundërshtar ideologjik, dhe për këtë gjë do ta njoftojë internacionalen e bllokut ideologjik që i takon.
Thotë se arsyeja e rrëzimit të Qeverisë ishte dëmtimi i raportit me aleatin e fuqishëm të orientimit që i takon.

Akuzon palët që hartuan raportin për përpjekje për ta devijuar orientimin strategjik të Kosovës,
Ju lutem! Tregoni dikush këtij KOMUNISTI të papërmirësueshëm se gjuha e Kumrovcit është e tejkaluar, Lufta e Ftohtë ka përfunduar, dhe Amerika nuk duhet në mënyrë sovjetike!

Leave a Reply

Your email address will not be published. Required fields are marked *