Ish-kryetari i Gjykatës Ushtarake të UÇK-së, Sokol Dobruna i bashkohet Vetëvendosjes

Ish – kryetari i Gjykatës Ushtarake të UÇK-së, Sokol Dobruna, sot i është bashkuar Lëvizjes Vetëvendosje.

Lajmin për këtë aderim e ka bërë publik lideri i LVV-së, Albin Kurti.

Kurti përmes një postimi në Facebook, ka treguar edhe një histori të Dobrunes, se si i ndërpreu studimet në Zagreb për të ardhë në Kosovë.

Ai tregon se si janë takuar në vitin 1998/99 në Shtabin e Përgjithshëm në malet e Berishës.

Postimi i plotë:

Ish Kryetari i Gjykatës Ushtarake të UÇK-së, Sokol Dobruna, sot na u bashkua në Lëvizjen VETËVENDOSJE!. Në vitin 1961 ishte student në Zagreb, mirëpo u detyrua t’i ndërprejë studimet atje e t’i përfundojë në Fakultetin Juridik në Prishtinë, për shkak se familja e tij konsiderohej politikisht e papërshtatshme në ish Jugosllavi. Baca Sokol është ish i burgosur politik dhe veprimtar i kahmotshëm i çështjes kombëtare, pjesëmarrës në lëvizje e organizata të ndryshme legale e ilegale të kohës.

Në dimrin e ashpër 1998/1999, jemi takuar në Shtab të Përgjithshëm në malet e Berishës kur Adem Demaçi përfaqësonte dhe mbronte UÇK-në duke udhëhequr zyren e saj në Prishtinë.

Gjatë luftës, Baca Sokol asnjë ditë të vetme nuk ka qenë jashtë Kosovës dhe e ka ecur në këmbë Kosovën nga Shala e Bajgora deri në Vrri të Prizrenit. Me tetë dekadat e jetës së tij ai është dëshmi e gjallë se është e mundur të plakesh duke qenë edhe patriot edhe i ndershëm.

Leave a Reply

Your email address will not be published. Required fields are marked *